ÇHANDA ÇKUNİ
İsa nenaz mu itkven Nazimi çkimi
İsa nenaz miz mu utkun
Çkun;
Xirxineri n3xenepete var moptit
Mitiş dobadona var goptit
Mitti mitiş getasule var bzonit
hak borthit.
İsa nenaz miz mu utkun
Çkun,
Dodgina do meşvena şeni
İxi do 3hkhari borthit
Çkun,
İxi-ti,
3hkhari-ti
Mzuğa-ti
eçkinduşen doni koborthit
Xepe di3xiri mpalu
Khibirepe geçhkhaderi
khuçxe thentheli
Letha
Lazona
Şilya do şilya 3hanaşen doni doxmeli.
Mzuğa
Noğa
Rakhani
Mtelli çkuni.
Çkva cenneti
Çkva cennemi
çkuni
Anadolu khoçobaşi
ar guri
Lazona hem gurişi
doloxeni pukuri
Geinkholaz xarkhiş
nekhnape
Dalepe, cumalepe
Nekhna gelanderi
phothe na var goin3hkhen
steri.
Engalit do emsilit khoçi khoçişa cgina
gecgina.
Dodgina unon Cuma dodgina
çhanda unon çhanda
çhume var handğa.
Skidala
Ar mcveşi nca steri
dodgineri
okhooneri skidala
Moro oropa çkuni
moro çkuni oropa.
23 guma 2000
Nazım Hikmet’in “Davet” adlı şiirinde küçük bir düzeltme (?) yapılarak çevrilmiştir.)
